У Дзень ведаў 2 верасня 2024 года ў ДУА «Спецыяльная школа № 18 г.Мінска імя братоў Еўдакімавых» прайшла ўрачыстая лінейка. Супрацоўнікі адкрытага акцыянернага таварыства «КБ Радар» – кіруючая кампанія холдынгу «Сістэмы радыёлакацыі» наведалі свята, павіншавалі адміністрацыю школы, педагагічны калектыў, вучняў і іх бацькоў, гасцей ДУА «Спецыяльная школа № 18 г.Мінска імя братоў Еўдакімавых» з Днём ведаў, сказалі цёплыя словы ў адрас першакласнікаў і будучых выпускнікоў школы.

Кожны першакласнік краіны па традыцыі атрымае ў падарунак ад кіраўніка дзяржавы кнігу пра гісторыю сваёй Радзімы. Дарэчы, першы ўрок у школах краіны прысвечаны тэме «Нам ёсць чым ганарыцца, нам ёсць што берагчы!». У Год якасці і 80-годдзя вызвалення Беларусі ад нямецка-фашысцкіх захопнікаў размова пойдзе аб дасягненнях беларускага народа, якімі ганарыцца краіна, аб тых каштоўнасцях, якія важна захаваць у імя будучыні.