З 12 па 14 жніўня на галоўнай выставачнай пляцоўцы Мінабароны Расіі ў Кангрэсна-выставачным цэнтры «Патрыёт» праходзіў Х юбілейны форум дэманстрацыі дасягненняў у галіне стварэння ўзбраення, ваеннай і спецыяльнай тэхнікі – «Армія-2024». Звыш 1 500 расійскіх і замежных удзельнікаў прадстаўлялі ў павільёнах і на адкрытых пляцоўках агульнай плошчай звыш 160 тыс.кв. м наведвальнікам выставы і экспертнай супольнасці больш за 28 000 экспанатаў. Навукова-дзелавая праграма ўключала мерапрыемствы, прысвечаныя актуальным пытанням развіцця Узброеных сіл, абаронна-прамысловага комплексу Расіі і міжнароднага ваенна-тэхнічнага супрацоўніцтва.

ААТ «КБ Радар» прыняло ўдзел у форуме «Армія-2024» з дзелавым наведваннем. У рамках такога ўдзелу было запланавана заключэнне кантрактаў, пашырэнне кааперацыйных сувязей, правядзенне перагавораў з партнёрамі па рэалізацыі сумесных праектаў, устанаўленне дзелавых кантактаў з мэтай наладжвання перспектыўнага ўзаемадзеяння.