ААТ «КБ Радар» – кіруючая кампанія холдынгу «Сістэмы радыёлакацыі» (далей – ААТ «КБ Радар») прымае ўдзел у Міжнароднай выставе ўзбраенняў і ваеннай тэхнікі IDEX-2023, якая праходзіць у г. Абу-Дабі (Аб’яднаныя Арабскія Эміраты) у перыяд з 20 па 24 лютага 2023 г.

У рамках аднаго з найбуйнейшых і найбольш прадстаўнічых сусветных форумаў ўзбраенняў, які сабраў каля 1350 кампаній з 65 краін, ААТ «КБ Радар» прадстаўлена ў якасці экспанента на аб’яднаным стэндзе Дзяржаўнага ваенна-прамысловага камітэта Рэспублікі Беларусь.

На IDEX-2023 прадпрыемства прапануе заказчыкам як вырабы, што ўжо зарэкамендавалі сябе ў розных рэгіёнах і ўмовах эксплуатацыі, так і навінкі, распрацоўка якіх завершана зусім нядаўна. Прадукцыя ваеннага і падвойнага прызначэння, якая прадстаўлена ААТ «КБ Радар», з’яўляецца ўвасабленнем найноўшых тэхналогій і магчымасцяў айчыннага лідэра ў сферы радыёлакацыі і радыёэлектроннай барацьбы. Яна ацэнена па заслугах айчыннымі і замежнымі заказчыкамі, а таксама карыстаецца цікавасцю з боку наведвальнікаў выставы.