16 снежня ва Узброеных Сілах Рэспублікі Беларусь адзначаецца Дзень спецыяліста радыёэлектроннай барацьбы.

На працягу апошніх двух дзясяткаў гадоў сістэма РЭБ Узброеных Сіл Рэспублікі Беларусь знаходзіцца ў пастаянным развіцці, адным з ключавых напрамкаў якога з’яўляецца планамернае аснашчэнне воінскіх часцей РЭБ сучаснай спецыяльнай тэхнікай.

Важную ролю ў названай дзейнасці адыгрывае ААТ «КБ Радар» – кіруючая кампанія холдынгу «Сістэмы радыёлакацыі» (далей – ААТ «КБ Радар»). Дзякуючы цеснаму супрацоўніцтву з Міністэрствам абароны Рэспублікі Беларусь, з моманту ўтварэння прадпрыемства на ўзбраенне паступіў цэлы шэраг прынцыпова новых узораў спецыяльнай тэхнікі РЭБ ўласнай вытворчасці, якія па сваіх характарыстыках не саступаюць лепшым замежным аналагам.

Пры распрацоўцы і вытворчасці спецыяльнай тэхнікі РЭБ ААТ «КБ Радар» надае асаблівую ўвагу выкарыстанню сучасных тэхналогій у сферах мікраэлектронікі, сувязі і інфармацыйных тэхналогій, а таксама ўлічвае асаблівасці тактыкі прымянення сродкаў РЭБ ва ўзброеных канфліктах апошніх гадоў, што дазваляе пастаўляць спецыяльную тэхніку, якая выконвае задачы з высокай эфектыўнасцю.

Значнымі перавагамі спецыяльнай тэхнікі РЭБ вытворчасці ААТ «КБ Радар» з’яўляюцца не толькі прымяненне сучасных тэхналагічных рашэнняў, але таксама падвышаная мабільнасць і жывучасць за кошт размяшчэння апаратуры на мабільных транспартных платформах, якія маюць мінімальны час разгортвання і згортвання.

Калектыў ААТ «КБ Радар» – кіруючая кампанія холдынгу «Сістэмы радыёлакацыі» сардэчна віншуе ўпраўленне радыёэлектроннай барацьбы Генеральнага штаба Узброеных Сіл, асабісты склад воінскіх часцей РЭБ з прафесійным святам і жадае моцнага здароўя і далейшых поспехаў у прафесійнай дзейнасці.