15 снежня ва Узброеных Сілах Рэспублікі Беларусь адзначаюць Дзень радыётэхнічных войскаў ВПС і войскаў СПА.

Радыётэхнічныя войскі выконваюць задачы па ахове дзяржаўнай мяжы Рэспублікі Беларусь у паветранай прасторы, эфектыўна нясуць баявое дзяжурства па супрацьпаветранай абароне, удасканальваюць сваю прафесійную вывучку, асвойваюць новыя ўзоры радыёлакацыйнай тэхнікі айчыннай вытворчасці.

Важную ролю ў забеспячэнні названай дзейнасці гуляе адкрытае акцыянернае таварыства «КБ Радар» – кіруючая кампанія холдынгу «Сістэмы радыёлакацыі». Прадпрыемствам распрацаваны і серыйна выпускаецца цэлы шэраг РЛС, якія дазваляюць паспяхова выконваць задачы радыёлакацыйнай разведкі паветраных цэляў у дыяпазоне ад вялікіх да звышмалых вышынь.

Калектыў ААТ «КБ Радар» ад усёй душы віншуе камандаванне ВПС і войскаў СПА Узброеных Сіл, ваеннаслужачых і ветэранаў радыётэхнічных войскаў, работнікаў прадпрыемства з прафесійным святам і жадае моцнага здароўя, шчасця, а таксама далейшых поспехаў у прафесійнай дзейнасці.