Стабільныя і дакладныя дадзеныя спадарожнікавай навігацыі крытычна важныя для функцыянавання сістэм навядзення высокадакладнай зброі, сродкаў паветранага нападу, у тым ліку беспілотных лятальных апаратаў і іншых сучасных сістэм ўзбраення. Прызначэнне новага комплексу радыёперашкод «Пирамида», якi распрацоўваецца ААТ «КБ Радар», – пазбавіць суперніка гэтага рэсурсу.

 

Выраб прызначаны для падаўлення ў зададзенай зоне каналаў спадарожнікавай навігацыі карыстальнiкаў сістэм GPS, ГЛОНАСС, BeiDou, Galileo – авіяцыйных сродкаў, высокадакладнай зброі, сістэм кіравання зброяй і наземных спажыўцоў.

 

Комплекс, які зараз праходзіць выпрабаванні ў розных умовах, складаецца з мноства перадатчыкаў. Стваранае імі поле радыёперашкод дыстанцыйна кіруецца – аўтаматычна або ўручную, – дазваляючы кропкава блакаваць навігацыйныя сігналы на зададзеных участках мясцовасці.

 

Ключавыя вартасці «Пирамиды»:

• адначасовае фарміраванне радыёперашкод ўсім частотным каналам сістэм спадарожнікавай навігацыі;
• аўтаматычнае ўключэнне патрэбных каналаў у зададзеныя прамежкі часу па праграме;
• далёкасць радыёпадаўлення прыёмных тэрміналаў – да 30 км;
• магчымасць інтэграцыі ў комплексныя сістэмы абароны тэрыторый, аб’ектаў крытычнай інфраструктуры і важных дзяржаўных аб’ектаў ад пагроз, звязаных з ужываннем высокадакладнай зброі і БПЛА.

 

Звязак «выяўленне-падаўленне», пабудаваны на рашэннях ААТ «КБ Радар», фармуе надзейны эшалон процідзеяння беспілотным пагрозам.