У рамках удасканалення тэхналогій вытворчасці спецыялістамі ААТ «КБ Радар» паспяхова завершана работа па стварэнні і ўводу ў эксплуатацыю стэнда для комплекснай праверкі модуляў шафы апрацоўкі сігналаў РЛС.

 

Стэнд прызначаны для праверкі, налады і рамонту шырокага пераліку модуляў са складу РЛС метровага дыяпазону сямейства «Восток», якія выпускаюцца ААТ «КБ Радар», у тым ліку «Восток-2D» і «Восток-3D».

 

Стэнд забяспечвае:

– правядзенне поўнага комплексу праверак;

– рэгуляванне і рамонт апаратуры са складу РЛС;

– механічную абарону злучэнняў усталяванага ў шафе абсталявання з магчымасцю замены элементаў.

 

Стэнд дазваляе імітаваць усе ўваходныя сігналы, упраўляючыя ўздзеяння і адлюстроўваць ход выканання праверак па выніках праходжання каманд.

 

Ўкараненне стэнда дазволіла павысіць аўтаматызацыю працэсаў, скараціўшы долю ручной працы. Гэта наўпрост уплывае на павышэнне прадукцыйнасці, надзейнасці і, ў вынiку, якасці радыёлакацыйнай тэхнікі.

 

Дзейнасць па ўдасканаленні матэрыяльна-тэхнічнай базы ў ААТ «КБ Радар» накіравана на ўкараненне перадавых распрацовак у вытворчасць у інтарэсах выпуску сучаснай канкурэнтаздольнай радыёлакацыйнай тэхнікі, па сваіх характарыстыках не саступаючай лепшым замежным аналагам.