Напярэдадні Міжнароднага дня абароны дзяцей ва УАЗ «Віцебскі абласны спецыялізаваны дом дзіцяці» адбылося свята. Памочнік дырэктара адкрытага акцыянернага таварыства «КБ Радар» – кіруючая кампанія холдынгу «Сістэмы радыёлакацыі» і старшыня прафсаюзнага камітэта 31 мая 2024 года наведалі свята, павіншавалі дзяцей і калектыў УАЗ «Віцебскі абласны спецыялізаваны дом дзіцяці», уручылі падарункі.

Глядачы акунуліся ў казку: тут былі і жаба з жабянятамі, і зайчык, і сарака з сарачатамі, і калючы вожык. Добрая казка з удзелам дзяцей не пакінула нікога абыякавым! Маленькія артысты з задавальненнем выступалі, гулялі ў гульні. Шоу мыльных бурбалак выклікала захапленне не толькі ў дзяцей, але і ў дарослых! А яшчэ роставы мядзведзь! Мора паветраных шароў! Свята атрымалася на славу!